domingo, 2 de mayo de 2010

¡VICTORIA NA COPA GALICIA!

Onte á mañá deu comezo a disputa da copa Galicia para o noso equipo junior feminino co partido contra o Seis do Nadal de Vigo que se xugou no pavillón Vista Alegre e que rematou con victoria burelá por 47-36. O partido comezou con moitas precipitacións e escasa puntería por ambolos dous bandos que fixo que ningún equipo conseguirá despegarse no marcador. De feito, ao descanso, o electrónico reflexaba un axustado 22-21 a favor do equipo local. Tralo descanso reglamentario as rapazas de Marco e Manolo cargaron as pilas, empezaron a funcionar millor e todo o que antes non entreba agora si e empezaron a coller ventaxas máis amplas no marcador. Ao final victoria por 47-36, onces puntos de diferenza que esperamos sexan suficientes para o partido de volta que se disputará o vindeiro domingo dia 9 en terras pontevedresas e pasar á seguinte rolda e non teñamos que lamentarnos dos 25 tiros libres fallados polas nosas xogadoras.
Por parte do CB Burela xogaron Tania Paleo, Laura Chao, Laura Claro, Irene, Raquel, Vicky, Lucía, Ana e Araceli.

¡Noraboa rapazas!