BASE : O BENXAMÍN A ROZA O PROVINCIAL
Bo nivel da canteira do CB Burela coa disputa da final provincial en Vilalba diante do Cidade de Lugo, con victoria apretadísima dos capitalinos por 50-48. O equipo de Manolo sempre deu a cara e só as eliminacións por faltas de Pablo Fdez. (faltando 4 minutos) e de Javier (último minuto) deixaron moi reducida a rotación dos nosos.
Gran éxito da nosa base, con dous equipos benxamíns competitivos (unidos poderían ser campións) que nos asegura minutos de xogo e competición para todos os nenos e tamén aumenta o nivel dos nenos de 1º ano ou que acaban de chegar ó baloncesto.
Nos últimos tres anos somos asiduos de finais provinciais en minibasket e preminibasket, e só nos falta un peldaño máis para rematar estas competicións con victoria. Gran traballo de Manolo e Lolo nos adestramentos.
Os alevíns perden en Ferrol na prórroga
Por outra banda o noso alevín masculino de liga FGB perdeu na prórroga contra Basket Ferrol a domicilio nun partido no que o mal inicio (nos dous primeiros cuartos perdíamos de 15 ptos.) , erros de canastras fáciles (bandexas) e pérdidas de balón impediron ós nosos voltar de Ferrol coa sorpresa dunha victoria. Destacaron Miguel e Adrián nun colectivo no que debutou o benxamín de 1º ano Joaquín.
Boas sensacións de equipo unha vez adaptados á liga que nos da esperanzas de competir contra os equipos máis fortes da liga nas vindeiras 3 xornadas. O primeiro plato o domingo en Burela diante dos líderes Estudiantes de Lugo.