CB BURELA - SEIS DO NADAL
Este sábado recibimos a visita do Seis do Nadal-Coia de Vigo no partido de volta da final da 2ª feminina galega. O partido vaise disputar no pabillón Vista Alegre ás 19,30 h e o CB Burela trae de Vigo unha renda de 4 puntos (54-58 na ida) polo que o partido está aberto a calquera resultado.
Estarán presentes o vicepresidente da Federación Galega, representantes do Concello e grupos políticos de Burela, así como os patrocinadores principais do clube, pescados Rubén e ABSA.
Desde o CB Burela animamos á familia do noso clube (xogadores de categorías inferiores, pais/nais, simpatizantes) así como ós amantes do baloncesto da Mariña a disfrutar de esta final , sendo a entrada gratuita.
Para o noso clube estar nesta final é xa un éxito, despois dun ano no que as xogadoras e o adestrador traballaron moito para elevar o nivel do ano anterior.